林伯回歸送兩烏龍 車仔險勝打比郡晉級
Getty
周三晚上演的英格蘭聯賽盃16強賽事,帶領打比郡倒戈史丹福橋的領隊林柏特,因為球員兩度擺烏龍送禮,作客車路士力戰之下以2︰3落敗,無緣晉級。
夏薩特避戰英聯盃留力英超

雖然王牌夏薩特繼續缺陣,但車仔今仗仍派出韋利安、簡迪及莫拉達等主力應戰。開賽僅5分鐘沙柏哥斯達左路傳中,湯姆利解圍「撻Q」擺烏龍入網,車仔領先1︰0。

不過僅4分鐘後,打比郡前鋒積克馬利諾接應妙傳近門射入,扳平1︰1。可惜21分鐘沙柏哥斯達再次傳中,今次輪到另一守將基奧治解圍不成「擺老烏」,打比郡再次落後。

但打比郡未有放棄,6分鐘後前鋒馬田韋漢接應傳中近門射入,扳平2︰2。不過完半場前法比加斯近門抽入,車仔第3度領先完上半場。

換邊後車仔攻勢依然較多,但莫拉達錯失傳中門前入波良機,之後加利卡希爾頭槌攻門又被門將救出,最終車仔險勝3︰2完場,打入8強。(Goal.com)

意見 ()