thumbnail Hello,
打油詩: 論英超

打油詩: 論英超

Google

以下內容只為搏君一笑,若有得罪,萬分抱歉,enjoy!

曼城勇奪雙錦標,貪錢球星當然囂,

形容巴神一字「驕」,目中無人眼超超。

野獸喊走俾人罰,轉頭出戰煞科日,

無限金錢點用突? 轉會俾人搵笨實。

 

痛失英超紅魔鬼,一眾反曼緊話「抵」,

一班中場唔見駛,費Sir終於諗到計。

購入香川喜若狂,傳球準繩無得防,

香川女友要提防,朗尼傑斯似餓狼。

 

槍手紀錄如白紙,七年無冠創歷史,

雲加獨愛小dee dee,每年必話「新開始」。

隊長呢邊一話走,曼市雙雄即揮手,

曼城大把舊槍手,托尼基治自己友。

 

勇奪歐冠藍戰士,洛賓幫手話咁易,

隊長泰利涉歧視,正等法律的懲治。

葡國少帥被趕走,全因戰績太過醜,

費托態差唔幫手,巴打恥笑「早D抖」。

 

熱刺聯賽得第四,上季悲情難忘記,

望見車仔心都痺,捧盃一刻成肚氣。

心在皇馬莫迪歷,「戰艦」有佢變無敵,

缺操罷踢衰到極,新帥不滿叫佢食。

 

留力下季利物浦,中柱次數無法數,

新帥上任國王走,謝四Joe糕猛話好。

利迷朋友常投訴,水貨名單長似布,

米九前鋒睇到燥,唐寧成季無料到。

 

無論女士定呀叔,盼你睇完笑到哭,

若您肯Like我Facebook,小弟必定好滿足。

(Goal.com)

從8月1日起,為了提供更優質的新聞和足球資訊予各位讀者,Goal.com/hk 將會開始進行改革,並陸續增加各類型的專欄及港足資訊。

另一方面,為了加強與讀者的互動及增加透明度,我們的總編輯和編輯已開了個人Facebook專頁,力求讓各位讀者多了解Goal.com背後所發生各種見聞和趣事,多謝支持!

請按此連結至總編輯Shing Chan 的個人Facebook專頁。

請按此連結至Heart Lil的個人Facebook專頁。